PĂRINTEASCĂ DIMĂNDARI
Constantin Belemace
Părinteasca dimăndari
N-asprigiură cu focu mari
Frats di mumă shi di-unu tată
Noi, Armăńi di eta toată.
Cari doari ti-a lui mumă
Shi ti părintească-lj numă –
S-lu-aibă doara Domnului
Shi dultseamea somnului!
Di sumu plocili di murmintsă
Astrigă a noshtsă buńi părintsă:
„Tutu harauă s-aibă-n casă
Atselu tsi limba nu shi-alasă!
Elu tu vatra-lj părintească
Fumealjia să-shi hărisească;
Di fumelji căruńi s-bashi,
Nats tu leagănu tutu să-nfashi.
Cari shi-alasă limba lui
Ambaru să-lj hibă calea lui
Shi-ma s-lu-acatsă jali sh-chisă